Meategi batean izandako akats elektriko baten ondorioz gertatutako eztandak piztu zuen sua Soman, Turkian, astearte gauean. Hasieran 200-300 langile inguru harrapatuta geratu zirela zabaldu zen, baina dezente gehiago izan ziren azkenean: 700dik gora. Hildakoen kopurua minutuz minutu biderkatu zen.
Arratsaldean atera dituzte azken gorpuak Turkiako Gobernuaren arabera. Taner Yildiz Energia ministroak baieztatu duenez, guztira, 301 langile dira hildakoak.
