BBC hedabide kate britainiarrak jakinarazi duenez, Amina Lawall emakume nigeriarra absolbitzea erabaki du Katsinako (Nigeria iparraldea) apelazio tribunal islamikoak. Joan den martxoan harrikatuta hiltzera zigortu zuen beste tribunal islamiko batek Amina Lawall, hain zuzen ere, ezkontzatik kanpo haur bat izan zuelako. Aitzitik, ustez harekin sexu harremanak izan zituen gizonezkoa absolbitu egin zuen.
Deula urte batzutatik hona, sharia edo lege islamikoa indarrean dago Nigeriako hainbat estatutan, eta, ondorioz, ezkontzatik kanpoko sexu harremanak gogor zigortzen dira. Batik bat, emakumeak egiten dituzte harreman horien errudun, eta gizonezkoak absolbitu egiten dituzte gehienetan.
Amina Lawallen antzeko beste zenbait kasu izan dira, eta oraingoan bezala, nazioartean elkartasun erreakzio handiak piztu dituzte. Nigeriako Gobernuak presio handiak jaso ditu Lawallen kasuan zigorra bete zedin eragozteko. Amina Lawallek lau seme-alaba ditu.
Genero indarkeria
Amina Lawall absolbitu egin du Nigeriako apelazio tribunal islamikoak
Ezkontzatik kanpo haur bat eduki zuela eta, harrikatuta hiltzera zigortu zuen Nigeriako tribunal islamiko batek Amina Lawall iragan martxoan. Gaur ordea, epai horren aurka Lawallek aurkeztutako helegitea ontzat eman du apelazio tribunal islamiko batek, eta absolbitu egin du.
Iruzkinak
Ez dago iruzkinik
Ordenatu
