Apple etxeak irailaren 12rako ekitaldi bat antolatu du, San Frantziskon (AEB). Konpainia estatubatuarrak iPhone 5 sakelekoa aurkeztuko duela aurreikusten da.
Teknologia enpresak prentsa adituei ekitaldira joateko gonbita egin die ohar baten bitartez. Oharraren hasieran, “ia-ia hemen dago” irakur zitekeen. Gainera, 12 zenbakia (ekitaldi eguna) moldatuta azaltzen da 5 formarekin. Guzti horrek alarmak piztu ditu.
Oraingoz Apple konpainiak ez du ezer baieztatu eta ziurrenik, hilaren 12a arte itxaron beharko da susmoa egia den jakiteko.
