Aske utzi dituzte Irlanda iparraldeko bost atxilotu

DUBLIN. PSNI Irlanda iparraldeko Polizia Zerbitzuak aske utzi ditu aste honetan Ronan Kerr polizia katolikoaren hilketarekin zerikusia zutelakoan atxilotutako sei lagunetik bost. Martin McGuiness ministrordeak esan du atxiloketa horiek «zalantzan» jartzen dutela PSNIren ikerketen kalitatea. Apirilean hil zuten Kerr, autoan lehergailua jarrita, eta Benetako IRAk bere gain hartu zuen.