Jose Manuel Matxinbarrena mediku donostiarra aske utzi zuten atzo Nigerian, apirilaren 4tik bahituta egon ondoren. Hala baieztatu diote gaur Nigeriako diplomaziako iturriek Espainiako Gobernuari.
Momentuz ez dago askapenaren inguruko xehetasunik, baina Europa Press berri agentziak jakinarazi duenez, "nekatuta baina osasun egoera onean" dago Matxinbarrena.
Matxinbarrenak 34 urte daramatza Nigerian Opus Dei Enugun sustatutako klinika bateko mediku lantaldea zuzentzen. Enugun bertan bahitu zuten, ustez ospitaletik atera ondoren.
Murtzian jaio zen (Espainia) Matxinbarrena, baina Donostian hazi zen. Nafarroako Medikuntza Unibertsitatean egin zituen ikasketak. 58 urte ditu.
