Hain zuzen ere, Irakeko Poliziaren kontrol postu baten aurrean eztandarazi dute ibilgailua, agi denez, ekintzaile suizida batek. Orain arteko informazioen arabera, hamar bat dira hildakoak, eta zaurituak, berriz 40 inguru. Horietatik erdiak oso larri daudela jakinarazi dute osasun zerbitzuetako iturriek —batzuk hil edo biziko egoeran—, eta, beraz, litekeena dela hildakoen kopurua haztea.
Bagdadeko gobernadorearen aurkako atentatuari dagokionez, gizon talde batek Al Adel auzoko errepide bat moztu duela agertu dute iturri ofizialek, eta une hartan handik igarotzen ari zen Ali Al-Haidriren autoa eta hura babesten zuten ibilgailuen konboia tirokatu dituztela. Gobernadorea bizirik heldu da erietxera, baina segituan hil da.
Irak
Bagdadeko gobernadorea hil dute tiroka
Ali Al-Haidri Bagdadeko gobernadorea hil dute gaur goizean, auto barruan zihoala tirokatuta. Xiita zen Al-Haidri eta lehenago ere egin zuten beste atentatu bat haren kontra; hartatik bizirik atera zen. Nolanahi ere, ez da hori izan gaur goizean Bagdaden izan den eraso bakarra. Aitzitik, erreboltariek bonba-kamioi bat leherrarazi dute hiri erdialdean, eta gutxienez hamar lagun hil ditu, gehienak poliziak.
Iruzkinak
Ez dago iruzkinik
Ordenatu
