irak
Bahitutako estatubatuar baten gorpua izan litekeena aurkitu dute Iraken
Oraindik egiaztatu gabe dagoen arren, Eugene Amstrong estatubatuarraren gorpua izan litekeena aurkitu dute Bagdadeko meskita batean. Iraken dagoen aginte militar estatubatuarrak adierazi duenez, gorpua ihesari eman dion BMW beltz batetik bota dute meskitaren patiora. Gorpuak arropa laranja bat zeraman soinean. Amstrong, beste estatubatuar batekin eta britainiar batekin batera bahitu zuten pasa den ostegunean.
Abu Musab Al Zarqaui buru integristaren "Tawhid wa Yihad" taldeak hartu du bahiketaren ardura. Bahituen gobernuei Irakeko kartzeletan preso dauden emakumeak askatzea eskatu die gatibuak libre uzteko kondizio bezala.
Iruzkinak
Ez dago iruzkinik
Ordenatu
