BANGKOK GORRIZ JANTZI DA BESTE BEHIN

Milaka lagun Thailandiako Gobernuaren aurka bildu ziren atzo, duela sei hilabete egindako protesten aurka armadak emandako erantzun bortitza salatzeko. Alkandora gorriek Bangkokeko kaleak bete zituzten beste behin; apiriletik maiatzera okupatu zituzten kaleetan barna jazarpena salatzeko manifestazioa egin zuten. Orduko protestetan 91 lagun hil ziren eta 1.800 zauritu. Thailandiako historia modernoan gertatu den jazarpen politiko handiena izan da. Argazkian, ehunka alkandora gorri ageri dira, Bangkokeko erdigunean bilduta. Alkandora gorriak Thaksin Shinawatra lehen ministro ohiaren aldekoak dira.