"Akordioa badago, eta oso aurreratua. Espero dugu datozen orduetan Palestinako historiako lehen batatasun nazionaleko gobernuaren eraketa iragartzea", azaldu die nazioarteko albiste agentziei Mustafa Barguti Palestina Independentea hautagaitzako buru eta Hamasen eta Al Fataren arteko negoziazioetako bitartekariak.
Bargutiren arabera, akordioa ixteko bilera egingo dute gaur Mahmud Abbas PANeko presidenteak (Al Fata) eta Ismail Hanie lehen ministroak (Hamas). Hanie ez litzateke gobernu berri horretan lehen ministro izango, eta palestinarren legebiltzarrean ordezkaritza duten indar guztiek parte hartuko lukete gobernuan.
Hamas eta Al Fata akordioa hitzartzear direla, Israelek aurrera jarraitzen du Udazkenko hodeiak erasoaldiarekin Gazan.
Palestina
Batasun nazionaleko gobernua eratzeko aurreakordioa lortu dute Hamasek eta Al Fatak
Iruzkinak
Ez dago iruzkinik
Ordenatu
