2003
•Martxoa. Irakek suntsipen handiko armak zituela aitzakiatzat hartuta, AEBek haren inbasioa hasi zuten hilaren 20an, nazioarteko aliatuek lagunduta.
•Apirila. Hilaren 9an, AEBek Bagdad hartu zuten.
•Maiatza. George Bush AEBetako presidenteak «borroka handienak» bukatu zirela adierazi zuen, eta garaipena aldarrikatu zuen. Saddam Husseinen erregimena erori zen, eta herrialdea berreraikitzeko misioa hasiko zutela jakinarazi zuen Bushek.
•Abuztua. Erresistentzia taldeek lehen atentatu handiak egin zituzten: Bagdadeko hotel batean NBEren misioaren aurka kamioi bonba bat leherrarazi zuten —22 lagun hil zituzten—,eta Najafen xiiten aurkako erasoan 125 lagun hil zituzten bonba auto batekin.
•Abendua. Hussein harrapatu zuten AEBetako soldaduek Tikriten.
2004
•Apirila. Moktada Sadr buruzagi xiitaren milizia AEBen aurka matxinatu zen Falujan. Hilabetez setiatu zuten hiria AEBek, eta ehunka lagun hil zituzten. Erasoetan fosforo zuria erabili zuten. Hilabete berean argitaratu ziren Abu Graib espetxe militarrean AEBetako zaindariek presoei egindako torturen irudiak.
2005
•Abuztua. Milatik goiti lagun hil ziren xiiten erromesaldi batean jendetzak zanpatuta. Eraso suizida baten zurrumurruak izua eragin zuen bildutakoen artean.
•Urria. Konstituzio berria onartu zuten, «demokrazia federal islamikoa» sortzeko.
•Abendua. Parlamenturako bozak egin ziren. Xiiten Batasunerako Aliantza Irakiarrak irabazi zituen.
2006
•Maiatza. NBEren arabera, egunero batez bertze ehun herritar hiltzen ziren atentatuetan.
•Abendua. Hussein exekutatu zuten.
2007
•Apirila. Egun bakarrean200 lagun inguru hil ziren Bagdaden hainbat atentatutan.
•Iraila. Blackwaterreko mertzenarioek 17 zibil hil zituzten.
2008
•Azaroa. Tropak 2011n ateratzeko akordioa egin zuten parlamentuak eta AEBek.
2009
•Urtarrila. Bagdadeko Eremu Berdearen kontrola eman zioten AEBek Iraki.
•Ekaina. AEBetako tropek Irakeko indarren esku utzi zituzten segurtasunerako eskumenak.
•Urria. Bagdadeko Eremu Berdean bi bonba-auto zartarazi zituzten, eta 155 lagun hil. 2007tik izandako eraso larriena izan zen.
2010
•Martxoa. Parlamenturako bozetan ezein alderdik ez zuen gobernua osatzeko gehiengoa lortu. 249 egun behar izan zituzten alderdiek gobernua eratzeko.
•Abendua. AEBek soldadu gehienak atera zituzten. 50.000 utzi zituzten.
2011
•Urria. Barack Obama AEBetako presidenteak gerraren bukaera iragarri zuen abendurako.
