Zine el Abidine Ben Ali Tunezeko presidente ohiari hamabost urteko kartzela zigorra ezarri diote, arma eta estupefazienteak soinean eramatearren.
Gaur epaitu du Tunezeko zigor auzitegiak "errebeldia" egoeran; hots, ez da epaiketara agertu, eta bere hutsa justifikatu ez duenez, bera egon gabe ere epaiketa egin dute. Sententziak, hamabost urte eta sei hilabeteko kondena bete beharko duela dio.
Presidente ohiaren aurka eman den bigarren sententzia da. Ekainaren 20an, 35 urteko kartzela zigorra ezarri zioten, diru publikoen erabilera bidegabeagatik.
Ben Alik otsailean Saudi Arabiara ihes egin zuen, eta han bizi da geroztik, bere familiarekin.
