Mossos d'Esquadrako kideek atxilotu egin dute Montse Venturos Bergako alkatea (CUP), herri horretako Auzitegira eramateko. Horren aurretik bi aldiz deitu zuen deklaratzera epaileak, baina alkatea ez zen joan.
Kataluniako bozetan eta Espainiako Gorteetako Hauteskundeetan Estelada Bergako udaletxeko balkoitik kentzeko agindua ez betetzeagatik hartu nahi dio deklarazioa epaileak. Hauteskunde delitua egitea egozten diote.
Lau ordu geroago aske utzi dute. "Eraso erabat antidemokratikoa" jasan duela salatu du auzitegitik irtendakoan, eta berak herritarren nahia bete besterik ez zuela egin azpimarratu du.
