PDL Berlusconiren alderdiko sei diputatuk Italiako lehen ministroaren dimisioa eskatu dute eta gobernu berri bat osatzea. Oraingo gobernua krisi ekonomikotik ateratzeko "desegokia" dela adierazi dute eta "aro politiko berri bat" bultzatzeko garaia dela.
Parlamentari gehiagok bat egin dezakete eskaera horrekin, sei diputatuek beren alderdian sinadurak biltzen ari baitira. Gero eta gehiago dira Berlusconiren kudeaketaren kontra agertu direnak.
Gobernuak premiazko bilera egin zuen atzo erreformak onartzeko baina Gianfranco Fini diputatuen ganberako lehendakariak esan du neurri horiek "ahulak" direla eta Berlusconi ez dela "gobernatzeko gai".
