Homosexualak AEB Ameriketako Estatu Batuetako armadan sartu ahal izango dira aurrerantzean, beren sexu joera ezkutatzen jardun beharrik gabe. Abenduan onartu zuten neurria Kongresuan, baina atzo hasi ziren betetzen. AEBetako unibertsitate baten arabera, armadako kideen %2,2 dira homosexualak, erretiraturik daudenak kontuan hartuta. «Berdintasunera eta justiziara hurbiltzeko aurrerapauso handia da», adierazi du Barack Obama AEBetako presidenteak.
Orain arteko legearen arabera, homosexualek armadan egoteko eskubidea zuten, homosexualak zirela ezkutatzen bazuten. 1993an ezarri zuten lege hori, eta Don´t ask, don´t tell (ez galdetu, ez esan) esaten zioten AEBetan. Guztira 13.000 soldatutik gora kaleratu dituzte armadatik 1993ko legean oinarrituta.
Lehendabiziko ezkontza
Gary Ross tenienteak ezin izan du itxaron; legea betetzen hasi eta handik minutu eskas batera ezkondu da bere bikotekidearekin, gauerdian. Greg Trulsonek ezkondu ditu, 2009an bi zibil homosexual lehen aldiz ezkondu zituen epaile berak.
Bertan behera utzi dute armadan homosexualak sartzeko debekua
Abenduan onartu zuten neurria AEBek, baina orain hasi dira betetzen; Obamak 2008ko bozen kanpainan agindu zuen
Iruzkinak
Ez dago iruzkinik
Ordenatu
