Bi bonba indargabetu dituzte Irlanda iparraldean

DUBLIN. Erresuma Batuko armadako soldaduek bi bonba desaktibatu dituzte Irlanda iparraldeko Derry hirian. PSNI Ipar Irlandako Poliziaren arabera, bi bonbak elkarrengandik hurbil zeuden: bata poltsa batean, eta bertzea bizikleta bati atxikita. Kevin Campbell Derryko alkateak erran du bonbak jarri dituena «XXI. mendean sartzeko beharra duen talde txiki bat» dela.