Iraken okupazioa
Bi kooperante italiarrak aske direla baieztatu du Italiako Gobernuak.
Hiru astez bahiturik egon diren Simona Torretta eta Simona Pari kooperanteak aske utzi dituztela adierazi du Rocco Buttiglione Italiako Politika Komunitarioen ministroak. Buttiglionek baieztatu du Al Jazira Qatarreko telebistak gaur aurreratu duena. Politika ministroaren, zerbitzu sekretuen eta islamiar komunitatearen arduradunen laguntza azpimarratu du Buttiglionek. Askapena diru ordainketa baten ostean izan dela zabaldu da, baieztatzerik ez bada ere.
Buttiglionek askapenaren arrakasta herriaren elkarlanean oinarritu du: "Italiar herriaren parte-hartze bateratuak ahalbidetu du askapena, denon artean lan eginez eta Jainkoari esker lortu duguna"
Iruzkinak
Ez dago iruzkinik
Ordenatu
