Hebronen hil dute horietako bat. Israelgo armadak ohar baten bidez zabaldu duenez, "bihurkin batekin armatua" zihoan pertsona bat armadaren kontrol batera joan da, eta, bertan, soldaduei eraso egiten saiatu da.
"Berehalako mehatxuari erantzun diote indarrek; erasoa gertatzea saihestu dute, eta erasotzaileari tiro egin diote", adierazi du armadak.
Goizean, beste palestinar bat hil dute tiroz Arielen, juduen kokaleku batean, Zisjordanian. Armadaren arabera, bi soldaduri labana sartu die, eta hainbat aldiz egin diote tiro. Luba Samri Poliziaren bozeramaileak azaldu du bi soldaduak zaurituta daudela.
Urriaz geroztik, indarkeriak gora egin du Ekialde Hurbilean. Ordutik, 134 palestinar eta 22 israeldar hil dituzte.
