SEAD Saharako Errepublika Arabiar Demokratikoko Defentsa ministro Mohamed Lamin Buhalik adierazi du militar sahararrak Marokoren kontrako gerra abiatzearen «aldekoak» direla. 37 urteko gatazka amaitzeko bake prozesua blokeatuta dagoela ikusita, Buhaliren hitzetan, «armak erabiltzera itzulita soilik» lor daiteke Marokok nazioarteko ebazpenak betetzea.
Hala ere, armada Fronte Polisarioaren zuzendaritzapean dagoela azpimarratu du Buhalik. Polisarioa herrialde sahararraren ordezkari politikoa da, eta armak hartu gabe jarraitzearen alde dago. Hargatik, Buhalik adierazi du «erabakia politikoa eta gehiengoaren araberakoa den bitartean» armada ez dela urrunduko Polisarioak jarritako bidetik.SEADeko tropa asko Polisarioak kontrolatutako Mendebaldeko Sahararen eta Marokok okupatutako eremuaren arteko mugan daude.
Bide armatuaren alde daude militar sahararrak, SEADen arabera
Defentsa ministro sahararrak adierazi du erabakia politikoa den artean errespetatuko dutela armak ez hartzea
Iruzkinak
Ez dago iruzkinik
Ordenatu
