Libiaren aurkako eraso militarraren kontra agerraldia egin zuten atzo Askapena, Ekologistak Martxan, Kakitzat, KEM-MOC, Komite Internazionalista eta Sare Antifaxista taldeek. Larunbaterako, berriz, «gerra inperialistaren» aurka manifestazioa deitu dute Bilbon, arratsaldeko seietan, Arriaga plazatik abiatuta.
Lurrean hildako hainbat pertsona irudikatzen zituzten bitartean, Libian egindako erasoek «interes ekonomikoen kontrolari eustea helburu» dutela azpimarratu dute deitzaileek. Haien arabera, Europako Batasunak eta AEBek NBEren oniritzi «hipokritarekin» hasitako gerra horrek, «beti bezala», populazio zibilarengan izango ditu ondorioak. Hala, aurretik emandako erasoak ekarri dituzte gogora, Irak eta Afganistan kasu, eta salatu gerra horien helburua ere «energia iturrien gaineko kontrola» mantentzea zela.
Bihar Libiako «gerra inperialistaren» aurka manifestatzera deitu dute Bilbon
Iruzkinak
Ez dago iruzkinik
Ordenatu
