Birusaren balizko mutazioa eta gizakien arteko kutsatzea dela eta kezkatuta dago OME

Hegaztien gripeak kutsatutako familia Thailandiar bati azterketak egiten ari direla adierazi du Osasunerako Mundu Erakundeak. Familia horri egindako azterketek erakutsiko dute birusak berak edo birusaren mutazio batek sortarazi dien gaixotasuna. OMEko Klaus Stohr doktoreak "azterketa horien emaitzak astearen bukaerarako" espero dituztela, eta "orduan hartuko ditugu hartu beharreko neurriak" azaldu du. Familiako bi kide hil dira eta beste bi erietxean daude.