Hauteskundeen ondorengo indarkeria egoera gero eta larriagoa da Boli Kostan. Armadak eta Poliziak oposizioaren Hotel Golf egoitza setiatu du, Abidjanen. Alassane Ouattara burua, George Soro jarduneko lehen ministroa, eta Ouattararen hurbileneko laguntzaileak daude bertan. NBE Nazio Batuen Erakundearen indarrek, ordea, Poliziari ez diote utzi hurbiltzen, eta elkarri tiroka aritu dira. Horren ondotik armadak eta Poliziak hotelaren inguruko kaleak itxi dituzte.
Joan den azaroaren 28an egin zituzten bozak Boli Kostan. Jarduneko presidenteak, Laurent Gbagbok, irabazletzat jo zuen bere burua, baina nazioarteak Ouattarari onartu dio garaipena.
Boli Kostan oposizioaren egoitza setiatu dute armadak eta poliziek
Ouattara oposizioko buruarengana iritsi nahi dute Gbagboren aldekoek, baina NBEko indarrek ez diete utzi
Iruzkinak
Ez dago iruzkinik
Ordenatu
