Boliviak dituen bederatzi eskualdetako zortzi gobernadoreen etorkizuna ere jokoan zegoen galdeketan eta oposizioak ere herritarren babesa jaso du, bereziki, ekialdeko eskualdeetan. Bost gobernadore, tartean oposizioko lau, karguan berretsi dituzte: Pando, Santa Cruz, Beni, Tarija -oposizioa- eta Potosikoa. Beste hiru gobernadoreak, berriz, ez dute nahikoa boto eskuratu karguan jarraitzeko: La Paz eta Cochabambako oposizioko prefetek eta ofizialista den beste bat: Orurokoa. Chuquisaca eskualdean berriki egin zituzten bozak eta horregatik ez dute bertan erreferendumik egin -oposizioko indigena bat irabazi zuen-.
Evo Moralesek batasunerako deia egin du inkesten aurreneko datuak jakin eta berehala: «Boliviarrak batzea inportantea dela ziur gaude, hiriko eta landa eremuetako sektore ezberdinak batzea, ekialdea eta mendebaldea».
Oposizioaren diskurtsoa
Oposizioko prefetek, alta, euren diskurtsoa zorroztu dute eta diktadoretzat jo dute Morales. Ruben Costas Santa Cruz eskualdeko gobernadoreak egin ditu adierazpen gogorrenak: «Askatasunak totalitarismoa gailendu du; aimaren fundamentalismoa». Mario Cossio Tarija eskualdeko prefetak, berriz, ekainean bozkatutako autonomia estatutua indarrean jarriko duela iragarri du.
Gobernadoreak
OFIZIALISTAKOruro. Luis Alberto Aguilera
Potosi. Mario Virreina
oposiziokoak
La Paz. Jose Luis Paredes
Pando. Leopoldo Fernandez
Beni. Ernesto Suarez
Cochabamba Manfred Reyes
Santa Cruz. Ruben Costas
Tarija. Mario Cossio
Chuquisaca. Savina Cuellar (ez dute erreferendumik egin)
