Bi adiskideen poza jasotzen duen argazkia biral bihurtu da. Ali Deniz Uzatmaz eta Ozacan Akkus ageri dira bertan. Biak hilda daude orain, irribarrea itzalita.
Urrian jarri zuen argazkia sarean Akkusek, Ankaran izandako atentatu suizida handian. Bakearen alde egin eta kurduen kontrako erasoak salatzeko martxan hil zioten adiskidea, Uzatmaz, 19 urtekoa. Atentatua salatu eta lagunari agurra egiteko jarri zuen bien argazkia Akkusek Twitterren, "Beti biziko da gure bihotzetan" testuarekin.
Bere lagunaren gisara hil zen Akkus, igandean: atentatu suizida batean. Hura hil eta berehala zabaldu zen bien argazkia sarean.
Uzatmazekin ordu ugari pasatutako lekuan egingo diote agurra Akkusi: Gaziantepen, biek haurtzaroa pasatu eta Akkusen jaioterria zen tokian.
