Diktadurako borreroa

Justiziari ihes egin dio azkenean Emilio Masserak (1925, Entre Rios); izan ere, atzo hil zen Buenos Airesko bere etxean84 urte zituela, buruko isuri baten ondorioz. 1976 eta 1983. urteen artean agintean egon zen Junta Militarreko kide izan zen Massera, eta baita hainbat tortura, hilketa eta desagertzeen erantzule ere. Iazko ekainetik etxean preso zegoen Kondor Operazioaren barruan hiru italiar torturatu eta hiltzeaz akusatuta. Iaz ere auzipetu zuten, desagerrarazitakoen seme-alaben bahiketagatik. Azaroan, ordea, bertan behera utzi zuten prozesua osasun arazoak argudiatuta. ARANTXA ELIZEGI