Azken orduetako zurrumurruak baieztatu dira. Presidentea aukeratzeko bigarren eguna da Egipton, eta jaieguna izendatzeaz gain, hautes eskolak ordubete gehiagoz irekitzea erabaki dute hasieran. Azkenik, baina, botoa emateko aukera bihar arte luzatzea erabaki du Egiptoko Hauteskunde Batzorde Gorenak. Bi hautagaien hauteskunde kanpainak antolatu dituztenek erabakia gaitzetsi dute.
Rabab Zinedin Sabahi presidentegaiaren hauteskunde kanpainako kideak baieztatu du %10 eta %15 bitartekoa izan zela parte hartzea atzo, eta gaur joan-etorri txikiagoa antzeman dela hautes eskoletan. "Inori ez zaio interesatzen botoa ematea egintzat badute Al-Sisik irabaziko dituela hauteskundeak".
