Ekialdeko Timorko lehen ministroak dimisioa eman du

Armadatik ehunka soldadu egotzi zituzten Alkatiriren erabakiz, eta, ondoren, matxinatu egin ziren, borroka eta enfrentamendu handiak sortuz. Armadatik kanporatzea eta ondorengo krisia Alkatiriren kudeaketa txarraren ondorio izan da herritar gehienen eta Ekialdeko Timorko beste agintari zenbaiten aburuz. Jose Ramos Horta Bakearen Nobel sari eta Timorren itzal handienetakoa duen politikariak Gobernua utzi zuen igandean Alkatirik ez zuela kargua uzten-eta. Xanana Gusmao presidenteak era dimititzeko eskatu bide dio Alkatiriri.

Lehen ministroak gaur iragarri du, azkenean, kargua uzten duela, eta, gainera, indarkeria oldearen arduraren zati bat berea dela onartu du.