Israelgo armadak gaur onartu du "zuzeneko bi kolpe" eman dituela Gazan, Israelen aurka bota dituzten hainbat misili erantzuna emateko. Israelgo armadak Twitter-eko kontu ofizialetik eman du erasoaren berri.
Oraindik ez dute azaldu hildakorik edo zauritutakorik izan den.
Atzo gauean Grad misil bat jaurti zuten Gazatik Netivot herrira, Haaretz egunkariaren arabera. Misilak zauri arinak eragin zizkion lagun bati, eta beste 11 lagun artatu behar izan zituzten.
Atzo adostu zuten Israelek eta ekintzaile palestinarrek su-etena.
Gaur zazpi urteko haur bat hil da Gazan, astelehenean Israelgo aireko armadak egindako eraso baten ondorioz.
