Lee Myung-bak
Hego Koreako presidentea
«Hego Koreako Gobernuak lankidetza estutuko du nazioarteko komunitatearekin Koreako penintsulan bakea eta segurtasuna mantentzeko».
Liu Weimin
Txinako Atzerri Ministerioko eleduna
«Kim kamaradaren heriotzaren berriak hunkitu egin gaitu. Koreako Herri Errepublika Demokratikoko herritarrei doluminak eman nahi dizkiegu. Lider eta lagun handia izan zen. Herrialdeak tristezia indar bihurtu eta bere kausa sozialean aurrera egingo duen konfiantza daukagu. Bide horretan gure laguntza izango du».
Jay Carney
AEBetako Etxe Zuriko bozeramailea
«AEBek Koreako penintsulan egonkortasuna bermatzeko konpromisoari lotuta jarraitzen dute, eta baita bere aliatuen askatasuna eta segurtasuna bermatzeko konpromisoari ere».
Sergei Lavrov
Errusiako Atzerri ministroa
«Koreako Herri Errepublika Demokratikoa auzokidea dugu. Laguntasun harremana daukagu harekin, eta, jakina, espero dugu herrialde lagunak izan duen galerak ez duela eraginik izango bi estatuon arteko harremanetan».
Alain Juppe
Frantziako Atzerri ministroa
«Gizon baten heriotza ez da inoiz poztasunerako arrazoia, baina herrialde baten sufrimenduak tristura eragiten dit. Frantziak erne jarraituko du lider aldaketa, korearrek egunen baten askatasuna berreskuratuko duten itxaropenarekin».
Hugo Chavez
Venezuelako presidentea
«Venezuelako herriaren eta gobernuaren izenean, nire atsekaberik sakonena adierazi nahi dut. Aurrerantzean ere autodeterminazioaren eta bake mundialaren alde elkarlanean jarraituko dugu nazio subiranoekin».
