"Migrazio Zerbitzu Federalaren dokumentu batzuk eman berri dizkiot [Edward Snowdeni]", adierazi du Anatoli Kutxerena abokatuak. Ekainaren 23az geroztik zeraman Snowdenek Xeremetievoko aireportuan (Mosku), ez atzera ez aurrera. Gaur atera da aireportutik.
Babes politikoa eskaini zioten Latinoamerikako herrialdeetara abiatu aurretik. Errusiak urtebeterako eman dio errefuxiatu izaera. Errusiari eskerrak emateaz gain, Obamari mezu bat helarazi nahi izan dio Snowdenek, Wikileaksen bidez: "Azke zortzi asteetan Obamaren administrazioak ez du erakutsi errepesturik ez nazioarteko legeekiko ez herrialde bakoitzaren legediei, baina azkenean, legeak beti irabazten du".
Wikileaks berak baieztatu du informazio hori:
Edward Snowden was granted temporary asylum in Russia for a year and has now left Moscow airport under the care of WikiLeaks' Sarah Harrison
— WikiLeaks (@wikileaks) August 1, 2013
