Errusiako Armadako zortzi militar hil dira gerrillarien erasoetan

Errusiako Armadako zortzi militar hil ziren atzo eta herenegun, gerrillari txetxeniarren erasoetan. Atzo, orotara, bost militar errusiar hil zituzten gerrillariek. Aurreneko militarra Txetxeniako hiriburuan, Groznin, izandako tiroketan hil zen. Errusiarra auto batetik tirokatu zuten hiriaren erdiguneko kale batean zegoenean. Beste lau errusiarrak base militar baten kontrako erasoan hil ziren. Herenegun, berriz, beste hiru militar hil ziren zihoazten autoan bonba bat zartarazi ondoren. Erasoa Itum-Kale herrian izan zen.