Oharrean Espainiako Barne ministro Jorge Fernandez Diazek azken egunetan egindako adierazpenak salatzen dituzte, "instituzioekiko konfiantzarik eza" azaltzen dutela argudiatuz.
Fernandez Diazek "tamalgarritzat" jo zuen ETAko hainbat preso aske uzteko erabakia, eta horren atzean "prebarikazioa" egon zitekeela aipatu. Horren aurrean, sinatzaileek eskatzen diote Lesmesi neurriak har ditzala halako adierazpen gehiago egin ez daitezen.
Zehazki, La Razón egunkariari egindako hainbat adierazpen bildu dituzte epaileek gutunean. Besteak beste, aipatzen dute Santiago Arrospide aske uzteko erabakiaz galdetu ziola kazetariak Fernandez Diazi, eta hark "penagarritzat" jo zuela Auzitegi Nazionalaren erabakia.
