Espainiako Poliziak eta Guardia Zibilak mila zauritu baino gehiago utzi zituzten Katalunian, autodeterminazio erreferenduma egin zen egunean. Human Rights Watch elkarteak urriaren 1ean izan ziren gertakariak aztertu ditu eta ondorioztatu du Espainiako segurtasun indarren indarkeria "gehiegizkoa" izan zela. "Poliziak legea izan zezakeen bere alde, baina horrek ez dio eskubidea ematen manifestari baketsuen aurka indarkeria erabiltzeko", adierazi du Kartik Raj ikerlariak.
Txostenak jasotzen duenez, "momentu hauetan bereziki garrantzitsua da agintariek giza eskubideak errespetatzea, biltzeko eskubidea, adierazpen askatasuna eta zuzenbide estatua barne". Elkarteak dei egin die Kataluniako eta Espainiako gobernuei urriaren 1eko indarkeriari buruzko ikerketa independente batekin elkarlanean aritzera.
Human Rights Watchek gogorarazi du Espainiako Estatuak Giza Eskubideen Europako Hitzarmena eta Eskubide Zibil eta Politikoen Nazioarteko Hitzarmena izenpetu dituela. Ohartarazi duenez, estatuak ezin du indarkeria neurriz gain erabili, herritar batzuk legearen aurka jarduten badute ere, ezin dituelako urratu herritarrei dagozkien eskubideak.
Kataluniako Gobernuko hainbat kidek ikerketaren ondorioei oihartzun eman diete sare sozialetan:
Demoledor informe de HRW contra la violència policial al 1oct "Spain: Police Used Excessive Force in Catalonia" https://t.co/iEBJde1Xwt
— Carles Puigdemont (@KRLS) October 12, 2017
Human Rights Watch conclou que la policia va fer "un ús excessiu de la força" l'1-O - https://t.co/EVOxuvPwCL
— Oriol Junqueras (@junqueras) October 12, 2017
Human Rights Watch (@hrw) denuncia la violència de la Policia espanyola contra persones pacífiques l’1-O. https://t.co/t3l5IpwgO5
— Carles Mundó (@CarlesMundo) October 12, 2017
