Eusko Legebiltzarreko kideei Gazan sartzea debekatu die Israelek

Eusko Legebiltzarreko Giza Eskubideen Batzordeko ordezkaritza bat Gazako ateetan geratu da, Israelek okupaturiko lurraldean sartzeko baimenik eman ez dielako. EAJ, PSE, PP eta Aralarreko legebiltzarkideek egiaztatu nahi zuten Araba, Bizkai eta Gipuzkoako diruarekin Gazan egiten ari diren inbertsioek zer ondorio izan duten, eta zer-nolako bizi baldintzetan dauden hango herritarrak. Igandetik daude lurralde okupatuetan, eta «palestinarrek pairatzen duten jazarpena eta presioa izugarria» dela ikusi dute, Aitor Casado parlamentari sozialistaren hitzetan.