Evo Moralesen aurkako salaketa atzera bota dute

LA PAZ. Boliviako Fiskaltzak atzera bota ditu Evo Morales Boliviako presidentearen aurkako salaketak. Indigenek eta oposizioko kideek genozidioa leporatu zioten Moralesi, irailean Poliziak Amazoniako indigenak kanporatzeko «gehiegizko indarkeria» erabiltzeagatik. Indigenak protesta egin zuten Amazoniako erreserba zatituko zuen errepide baten aurka.