Frantziako feministek protesta egin dute Strauss-Kahnen aurka

Jendetsua izan zen atzo Parisko kaleetan feministek egindako manifestazioa. Dominique Strauss-Kahn Nazioarteko Diru Funtseko arduradun izandakoaren inguruan gertatzen ari dena salatzeko atera ziren, gizon dirudun eta boteretsuen inpunitatea amaitzeko eskatzera. Biktimak kriminalizatzea eta errudunak errugabeen lekuan jartzea gaitzetsi dute Bortxaketa krimena da leloren bidez.

Manifestazioaren buruan, Tristane Banon joan zen, Strauss-Kahn ustez bortxatzen saiatu zenkazetaria. Haren arabera, elkarrizketa bat egitera joan zitzaionean saiatu zen bortxatzen, 2003an. Uztailaren 5ean aurkeztu zuen haren kontrako salaketa. «Espero dut honek denak zigor epaitegian amaitzea». Strauss-Kahnen arabera, «asmakizunak» dira Banonenak, eta, hori dela eta, aurrez aurreko batera deituko ditu Frantziako Justiziak biak.

Oraingoz, hala ere, New Yorkeko salaketatik onik atera da, Michael J. Obus Manhattango Auzitegi Goreneko epaileakbertan behera utzi baitzituen haren kontrako kargu guztiak, tartean sexu erasoa eta bortxaketa saioa.