Alberto Fujimori Peruko presidente izan zenari indultua emateko eskatu diote haren seme-alabek Peruko Gobernuari. Mingaineko minbizia du presidente ohiak, eta arrazoi humanitarioak argudiatu dituzte zigorra barkatzeko eskatzerakoan.
Peru21 egunkariaren arabera, osasun egoera larrian da, eta haren ondorengoak Ollanta Humalarengana joan dira gutun batekin indultua eskatuz. 74 urte ditu Fujimorik, eta hainbat espetxe zigor ditu betetzeko; handiena 25 urtekoa, Barrios Altoseko eta La Cantutako sarraskiengatik eta enpresari bat eta kazetari bat bahitzeagatik, 1990eko hamarkadan.
Barrios Altosen eta La Cantutan hildakoen senideek protesta egin dute indultu eskaera dela eta.
