Gaddafi: "AEBak eta NATO Libian sartzen badira, milaka lagun hilko dira"

Muammar Gaddafi Libiako agintariak ohartarazi du bere herrialdean "milaka lagun hil" egingo direla baldin eta "AEBak eta NATO Libian sartzen badira". Hango telebista katean egindako hitzaldi batean eman du abisua. Jarraitzaile ugari izan du hitzaldia egindako aretoan. Gaur lau lagun hil dira, Briqan, Gaddafiren hegazkinek hiria bonbardatu dutenean, Al Jazeera hedabideak esan duenez. Beste hamar pertsona zaurituta daude. Herrialdeko matxinadaren eta nazioartearen presioaren ondorioz gero eta bakartuago dagoen arren, Gaddafik ez du dimisioa emateko asmorik. "Ez naiz presidentea; beraz, ezin dut dimisioa eman", adierazi du. Halaber, legebiltzarra ezin duela desegin esan du. Berretsi du bere aurkako erregimenaren protesten atzean Al Kaedaren eskua dagoela. Libiako oposizioak armada osatu du, herritarrak babesteko. Duela aste batzuk ekin zioten matxinadari. 1969tik dago boterean Gaddafi.