Gerardo Conde Roa (PP) Santiago Compostelako alkateak dimisioa eman du, ustezko iruzur kasu bategatik epaileak inputatu ondotik.
Galiziako hiriburuko auzitegiko Jose Antonio Vazquez Tain epaileak Ogasun Publikoaren aurka ustez delitua egin izana egotzi dio, eta ondoren alkateak berak prentsaurreko batean jakinarazi du kargua utzi duela.
Epailearen autoaren arabera, Conde Roak 2010ean 61 etxebizitzen salmentaren BEZa ez zuen ordaindu —291.000 euro—, eta delitua egin zuen jakiteko inputatu dute. Geslander elkarteko administratzailea zen orduan hura.
