Mitt Romney hautagaiak irabazi ditu gaur Washington DCn, Marylanden eta Wisconsinen AEBetako errepublikanoen alderdiko presidentea hautatzeko primarioak. Horrela, errepublikanoen presidentetzarako hautagai faborito bihurtu da, Rick Santorum haren aurkariaren aurretik.
Hiru estatutan Romney zen faborito. Porrotaren ostean, ordea, Santorumek esan du jarraitu egingo duela, eta ohartarazi du Pennsylvanian "bigarren zati indartsu bat" egiteko asmoa dutela.
Orain arte Romneyk Santorumeren ordezkarien bikoitza baino gehiago lortu du. Hiru estatuetako boto zenbaketak ez dira oraindik amaitu; Washington DCn 16 ordezkari daude jokoan, Marylanden 37 eta Wisconsinen 39.
