Israelgo armadak bihotzean egin dio tiro gaur goizean Muhamad Abu Hashash gazte palestinarrari, Errab Foqoha Ilargi Ergi Gorriko bozeramaileak Maan albiste agentziari adierazi dionez.
Operazioa atzo hasi zuen Israelgo armadak Al Fawwarreko errefuxiatu kanpalekuan, "susmagarrien eta armen bila". Soldaduak harrika hartu zituzten, eta istiluak izan dira harrezkero.
Foqoharen arabera, 32 dira zaurituak. Israelek, ordea, esan du 24 direla eta arin zauritu dituztela. Aldi berean, gazte palestinarraren hilketa ikertuko duela gaineratu du.
Maan albiste agentziaren arabera, iazko urritik Zisjordanian eta Jerusalemen 218 palesinar hil ditu Israelek, horietatik 54 istiluetan.
