EBk genero indarkeriaren biktimen babesak oinarri penala izateko proposamena onartu du. Europako Batasuneko justizia ministroek Europako Komisioarekin eta Parlamentuarekin adostu dute, Espainiak bere presidentzia garaian proposatutakoa onartzea.
Oso berri garrantzitsua da, Batasuneko biktimak mugaz gaindi babestuta egotea ekarriko baitu. Oraindik xehetasun asko aztertu beharko dira, herrialde batzuek oinarri penala aplikatzen dutelako horrelako kasuetan, baina beste batzuek zibila edo administratiboa.
Esaterako, Danimarkako emakume batek urruntze agindua badu gizon batekin eta gizonak agindua apurtzen badu, isuna ordaindu beharko luke; baina emakume hori hemen balego, gizonak kartzelara joan ahal izango luke.
Herrialdeen arteko desberdintasunak aztertu beharko dira oraindik, oinarri penala ezartzekotan herrialdeetara egokitu beharko baitu. Batzarkideak baikor agertu dira, "arazo ak teknikoak badira konponduko dira".
