Ginea Bissauko presidentea hil dute

Joao Bernardo Vieira Ginea Bissauko presidentea hil dute gaur, atentatuan, 10:35ean jakin denez. Funtzionario batek esan duenez, soldadu batzuek egin dute erasoa.

Atzo, berriz, armadako burua hil zuten, egoitza nagusian lehergailuekin egindako erasoan: Tagme Na Wai. Hango iturriek diote Vieiraren kontrarioa zela Na Wai. Hori hil ondotik, tiroketak izan ziren Ginea Bissauko hainbat tokitan.

Iazko azaroaren 23an ere saiatu ziren Vieira hiltzen; militar batzuek haren etxearen aurkako erasoa egin zuten eta bi lagun hil zituzten. Na Waik ere jaso izan zuen erasorik azkenaldian.

1.400.000 biztanleko herrialdea da Ginea Bissau, eta Afrikan dago, Senegal eta Ginea artean. Portugesa (%14) eta portugus kreolera (%44) dira hizkuntza nagusiak. Erlijioetan, berriz, sinesmen tradizionala (%50) eta musulmana (%45). 1974an lortu zuen Portugaldik independentzia.