Igor Goikolea brigadista atxilotu du Palestinan Israelgo armadak, Al-Ma'sara herrian asteroko protesta batean parte hartzen ari zela. Askapenak eman du atxiloketaren berri, eta, BERRIAri helarazi dionez, une honetan ez dute gasteiztarraren berririk.
Atxiloketa salatzeko, astelehenean Askapenak bilkura bat egingo du Gasteizko Andre Mari Zuriaren plazan, 20:00etan. Elkartasuna ez da delitua!, Igor Askatu! eta Palestina aurrera! leloen pean izango da. Askapenak dei egin die eragile sozial, politiko eta norbanakoei salaketan parte hartzeko.
Duela bi egun Europako beste bi brigadista atxilotu zituztela jakinarazi zuen Askapenak bere webgunean.
