Haitiko Babes Zibilak eta komunikabideek zabaldutakoaren arabera, gutxienez 19 lagun hil dira herrialdean, Gustav urakanaren ondorioz. Zehazki, urakanak egunotan herrialdean barrena eragin dituen uholde eta luizien ondorioz zendu dira. Horrez gain, 9.000 lagun inguru beren etxeetatik aterarazi behar izan dituzte.
Gehien kaltetutako eremuan, hego-ekialdean, zortzi lagun hil dira, mendebaldean beste sei, eta Nippes departamenduan (hegoaldea) beste bost.
Gustav-en ondorioz 5.000 lagun kanporarazi dituzte mendebaldeko departamendutik eta beste 4.000 Port-au-Prince hiriburuaren iparraldera dagoen Cite Soleil auzo txiroan.
Haitiko hego-ekialdean egoera berean daude mila bat lagun, eta soroen %75 suntsitu dituzte eurite, uholde eta luiziek.
Mundua
Gutxienez 19 lagun hil dira Haitin, 'Gustav' urakanaren ondorioz
Urakanak eragindako uholde eta luiziek hil dituzte lagun horiek, eta 9.000 bat lagun etxetik aterarazi behar izan dituzte.
Iruzkinak
Ez dago iruzkinik
Ordenatu
