Gutxienez 40 lagun hil dituzte Bakuban atentatuan

Bonba-autoa jarri dute gaur Bakuba (Irak) hiriko erdigunean, eta gutxienez 40 lagun hil dituzte, eta beste 80 zauritu. Hildakoen artean emakumeak eta umeak ere badira, eta zauritu batzuk oso larri daude, iturri ofizialek esan dutenez.

Hiriko Auzitegiaren ondoan lehertarazi dute bonba-autoa. Udaletxea ere atentatu gunetik gertu dago.

Bagdad hiriburutik 150 kilometrora dago Bakuba, ipar-ekialdera.

Ramadin (Irak) ere egin dute gaur atentatua; eraso suizida, iturri ofizialek jakinarazi dutenez. Gutxienez, hamalau lagun hil dituzte eta hamabost zauritu. Atentatuaren egileak lehergailuz betetako autoa jatetxe baten kontra jo du; poliziak egon ohi dira jatetxe horretan.

Bagdadetik ehun kilometrora dago Ramadi, mendebaldera.