Gutxienez 50 lagun hil dira Sri Lankako uholdeetan

KOLONBO. Azken asteetako euriteak uholde larriak eragin ditu Sri Lankan. Gutxienez 50 lagun hil direla jakinarazi dute iturri ofizialek, beste 185.000 lagunek etxea utzi behar izan dutela eta orotara milioi bat lagun inguru direla uholdeen ondorioak jasaten ari direnak. Etxetik alde egin behar izan dutenetako asko gobernuak egokitutako 581 kanpalekutan daude.