Gaur goizaldean 6,9 graduko lurrikara izan da Himalayan eta gutxienez 53 lagun hil dira horren eraginez. Hildakoak Indian, Nepalen eta Tibeten izan dira. Gehienak Indiako Sikkim estatuan hil dira, 31 guztira, Indiako Poliziak jakinarazi duenez. Bihar estatuan, gainera, beste bi hil dira, eta Bengalan, beste sei.
Nepalen zazpi lagun hil dira, horietako hiru Erresuma Batuaren enbaxadaren horma bat erori eta azpian auto bat eta moto bat harrapatu dituenean. Tibeten beste zazpi lagun hil dira, Xinhua Txinakok albiste agentzi ofizialaren arabera.
Larrialdietako zerbitzuak Himalayako herrixka isolatuenetara iristen saiatzen ari dira, baina euriak lana zailtzen die. Gainera, lainoaren eraginez helikopteroek ezin dute horietara iritsi, eta gaur egunak aurrera egin ahala hildakoak gehiago izatea espero dute agintariek.
