AEBek hainbat misil bota ditu Pakistango inguru batera, eta gutxienez hamasei lagun hil dira erasoan. Bonbardatutako lekua Afganistango mugatik gertu dago, eta muturreko islamismoarekin lotu dute albiste agentziek. Hildakoak talibanak direla esan dute.
Hego Waziristanen dago bonbardatutako lekua, eta guztira hamalau misil bota dituztela jakinarazi dute. Helburua Mehiz Khan Mehsud talibanen burua dela esan du Khyber telebistak. Atzo beste bost lagun hil ziren beste eraso batean.
