Siriako armadak gutxienez sei lagun hil ditu gaur goizean, tankeekin tiro eginda. Oposizioko ekintzaileek salatu dutenez Homsen izan dira hildakoak. Asteartetik hiria tankeekin bonbardatzen ari direla gaineratu dute.
Zazpi hilabete dira Sirian Bashar al Assad presidentearen aurkako errebolta hasi zenetik, eta nahiz eta horrek asteazkenean Liga Arabiarrak egindako proposamena onartu, oposizioarekin negoziatu eta erasoak eteteko, gaurkoekin gutxienez 46 dira harrezkero hildakoak.
