Turkiako armadak Iraken menpeko Kurdistan bonbardatzen jarraitzen du. Hala egin du bart ere; Arbilen bonbak jaurti ditu, baina han hildakoak ez dira gerrillariak izan, zibilak baizik. Gutxienez sei pertsona hil eta hamabi zauritu zituzten Turkiako hegazkinek.
Horiek hala, eta zibilen heriotza saihesteko asmoz, Kurdistan hegoaldetik irteteko eskatu die Massoud Barzani presidenteak. "PKK-k Kurdistandik urrun mantendu behar du borroka eremua, zibilak gerrako biktima bihur ez daitezen".
Bestalde, Ankarako gobernuak zabaldu duenez, joan den astean PKKren aurkako erasoaldia hasi zutenetik 260 gerrillari hil dituzte bonbardaketetan, eta beste 400 inguru zauritu.
